Félagsskapur með sjálfum mér

Nýtt íslensk verk um húmorinn í harminu og einmannaleikann í sorginni. 

Félagsskapur með sjálfum mér er gamansamur einleikur byggður á reynslu höfundar sem missti fjölda fjölskyldumeðlima í æsku. Verkið leiðir áhorfendur í gegnum einmanaleikann í sorginni og þær grátbroslegu aðstæður sem leynast í harminum. Verkið er létt og á köflum sprenghlægilegt með sársaukafullan undirtón. 

Unnar fer ekki út, hann fælist fólk en í kvöld hefur systir hans og nýi kærasti hennar boðið sér í mat og félagskvíðinn kraumar innra með Unnari -“þau stara eflaust á skökku eldhúsflísarnar”. Í stað þess að elda og undirbúa matarboðið þá sekkur Unnar sér í fortíðina og gleymir sér í minningum um  lífið sem eitt sinn var, lífið fyrir áföllinn.

ATHUGIÐ AÐ ÖLL SVIÐSVERK ERU SÝND Í STUTTAN TÍMA Í TJARNARBÍÓ

Aðstandendur:

Gunnar Smári Jóhannesson: Leikari og handritshöfundur

Tómas Helgi Baldursson: Leikstjóri

Íris Rós Ragnhildar: Tónlist

Auður Katrín Víðisdóttir: Leikmynd og grafík

Jóhann Friðrik Ágústsson: Ljós