Kolkrabbinn #2 - Vis-á-vis
Kolkrabbinn:
Kolkrabbinn er ný viðburðaröð Ensemble Adapter í samvinnu við Tjarnarbíó. Á Kolkrabbanum má sjá verk sem dansa á mörkum tónlistar, gjörningalistar, dans og leikhúss. Tilrauna-tón-leikhús sem er samt ekki ópera.. Kolkrabbinn er með alla anga úti og allt í öllu. Hann vill eitthvað óvenjulegt og skemmtilegt, ögrandi og nýtt. Kolkrabbinn er styrktur af Reykjavíkurborg og Tónlistarsjóði.
Kolkrabbinn #2 (26. nóv):
Vis-à-Vis er sviðsverk í heimildastíl, sem fjallar um samsköpunarferli sem mistókst, tónverk sem týndist og listrænt samtal þvert á listgreinar, heimsálfur og áratugi. Með verkinu beinir Ensemble Adapter sjónum að arfleifð bandaríska gjörningatvíeykisins [THE] sem var aktíft á áttunda áratuginum, og djörfu og tímalausu sjónarhorni þeirra á samsköpun og tilraunaleikhús sem var langt á undan sinni samtíð.
Verkið sameinar gjörningalist, tónlist og videólist og segir um leið sögu áralangrar rannsóknarvinnu Ensemble Adapter við að grafa upp heimildir um hugmyndaheim og listsköpun.