fbpx

Tréð

Sara Martí Guðmundsdóttir og Agnes Wild

Frumsýnt á Listahátíð í Reykjavík 2020.

Einlæg fjölskyldusýning um veruleika og stöðu flóttabarna. 

Tré sem lifir við réttar aðstæður, er tré sem hefur góð áhrif á umhverfi sitt.

 

Sítrónutréð hans Ara hefur glatað garðinum sínum og hann þarf að hjálpa því að finna nýtt heimili áður en það visnar upp. Ari leggur því í langt ferðalag og lendir í ýmsum hrakförum við að reyna að bjarga litla trénu sínu. 

Tréð fjallar um Ara, glaðan og sniðugan dreng sem býr í litlum bæ með fjölskyldu sinni. Fyrir utan heimilið þeirra er sítrónutré sem hefur vaxið samhliða fjölskyldunni kynslóð fram af kynslóð. Einn sunnudag situr öll fjölskyldan saman að snæðingi úti í garði, þegar öflug sprengja lendir á lóð þeirra. Bæði húsið og garðurinn eru jöfnuð við jörðu. Ari kemst einn lífs af og nær að bjarga afleggjara af trénu. Hann heldur því næst aleinn af stað í mikla hættuför yfir lönd og höf í leit að griðastað þar sem sítrónutré fjölskyldu hans getur fengið rými og næringu til að skjóta rótum og dafna á ný.

Þessi 45 mínútna barnasýning fjallar á myndrænan hátt um veruleika og stöðu flóttabarna. Í verkinu reynir hetjan að vernda það sem eftir lifir af fjölskyldutrénu hennar og finna því öruggan samastað þar sem grunnþörfum þess er mætt. Þannig leita börn á flótta sér einnig skjóls; í þeirri von um að það verði hlúð að öryggi þeirra og heilbrigði – einhversstaðar þar sem þau geta skotið rótum. 

 

Leikstjórar/höfundar: Agnes Wild og Sara Martí Leikarar: Kjartan Darri Kristjánsson og Elísabet Skagfjörð Teiknari: Elín Elísabet Einarsdóttir Tónlist og lifandi hljóðmynd: Sóley (Sóley Stefánsdóttir) Hljóðmynd: Stefán Örn Gunnlaugsson Lýsing og myndvinnsla: Ingi Bekk

X