fbpx

Endurminningar Valkyrju

Endurnýttar væntingar

Frumsýnt 10. október 2019

Dýrðleg og dansandi drag-revía

Gestgjafar kvöldsins eru þaulvanar drottningar leiksviðs og næturlífs. Þær tala tæpitungulaust og koma til dyranna eins og þær eru klæddar, prýddar rúbínum og eðalsteinum frá toppi til táar, tilbúnar að gleðja ykkur með sínum guðsgjöfum og vafasama vafstri. Þetta er sýningin sem þú hefur beðið eftir! 

Fjöllistahópurinn Endurnýttar væntingar kynnir með stolti Endurminningar Valkyrju. Magnaðan dragfögnuð til heiðurs hinni kyngimögnuðu kvenhetju, Brynhildi. Ævintýrum söguhetjunnar verða gerð skil í mögnuðum dansi, stórfenglegum söng og hlálegum hamagangi.  

Þetta er fyrsta verk hópsins en forsprakkar hans eru dansararnir Ásgeir Helgi Magnússon og Cameron Corbett. Þeir hafa starfað saman um árabil innan raða Íslenska dansflokksins auk þess sem þeir hafa komið víða við í íslenskum sviðslistum.

 

Flytjendur: Agatha P., Faye Knús, Gógó Starr & Sigga Eyrún 

Höfundar: Ásgeir Helgi Magnússon, Cameron Corbett, Sigríður Eyrún Friðriksdóttir, Sigurður H. Starr Guðjónsson 

Listrænir stjórnendur: Ásgeir Helgi Magnússon & Cameron Corbett

Búninga- og sviðshöfundur: Júlíanna Lára Steingrímsdóttir

Markaðsstjóri: Bryndís Nielsen 

Ljósmyndir fyrir kynningarefni: Mink Viking Portrait Studio

Styrktaraðilar: Mennta- og menningarmálaráðuneytið, Launasjóður listamanna

X