fbpx

Ekkert er sorglegra en manneskjan

Eftir Friðrik Margrétar-Guðmundsson, í leikstjórn Adolfs Smára Unnarssonar

Frumsýnt 6. september 2020
Ópera

___________________________________

 ⭐⭐⭐⭐1/2 – Fréttablaðið

„Niðurstaða: Magnað ferðalag á flatbotna sumarskóm í gegnum táradal tilvistarinnar.“

___________________________________

Ný kynslóð sviðslistafólks brýst fram á sjónvarsviðið með gáskafullum leik að bæði efni og formi!

 Hamingjan, og fálmkennd leit manneskjunnar að henni, er viðfangsefni þessarar nýju íslensku óperu eftir tónskáldið Friðrik Margrétar-Guðmundsson, í leikstjórn Adolfs Smára Unnarssonar. Fjórar fígúrur ráfa um sviðið, þær leita að merkingu og velta því fyrir sér hvað færir þeim ánægju. Fátt virðist þó um svör, enda er ekkert sorglegra en manneskjan. Fígúrurnar beita öllum tiltækum ráðum en ekkert virðist virka. Þær eru eftir allt saman bara manneskjur – og ekkert er sorglegra en manneskjan. Lífið: Harmrænt en hryllilega fyndið ferðalag, ein stór vonbrigði. Þá þarf að meta stöðuna, koma með skapandi lausnir, straumlínulagaðar aðgerðaráætlanir. Og ef ekkert virkar? Koma sér bara þægilega fyrir, anda djúpt niður í þindina, fylla lungun af lofti og anda svo út með hvínandi hljóði – endurtaka þangað til að árangur næst. Þetta reddast allt saman á endanum. Það hlýtur að vera.

 

Tónskáld: Friðrik Margrétar-Guðmundsson

Leikstjórn og texti: Adolf Smári Unnarsson

Flytjendur: Dagur Þorgrímsson, Heiðdís Hanna Sigurðardóttir, María Sól Ingólfsdóttir, Ólafur Freyr Birkisson

Leikmynda- og búningahönnuður: Bryndís Ósk. Þ. Ingvarsdóttir

Dramatúrg: Matthías Tryggvi Haraldsson

Ljósahönnuður: Hafliði Emil Barðason

Myndbandshönnuður: Elmar Þórarinsson

Tónlistarstjórn: Pétur Björnsson

Aðstoð við sýningu: Magnús Thorlacius

Grafísk hönnun: Gréta Þorkelsdóttir

Ljósmyndir: Gunnlöð Jóna Rúnarsdóttir

 

Hljómsveit:

Baldvin Ingvar Tryggvason, klarinett

Björg Brjánsdóttir, flauta

Friðrik Margrétar-Guðmundsson, raftónlist

Flemming Viðar Valmundsson, harmóníka

Pétur Björnsson, fiðla

Unnur Jónsdóttir, selló

X