GILDI & STEFNA

Framtíðarsýn

Að Tjarnarbíó sé meginvettvangur nýsköpunar í íslenskum sviðlistum.
Að Tjarnarbíó sé leiðandi afl hérlendis í alþjóðlegu samstarfi í sviðslistum.
Að Tjarnarbíó sé upplýsingamiðstöð um sviðslistir.

 

Hlutverk

Tjarnarbíó er heimili sjálfstæðra sviðslista og okkar hlutverk er að reka heimilið á ábyrgan hátt.
Heildarhagsmunir íslenskra sjálfstæðra sviðslista og skapandi greina til framtíðar eru í fyrirrúmi.
Við erum í samtali við íslenskt samfélag.
Við þjónustum af heilindum áhorfendur og listamenn.
Við hjálpum listamönnum að láta hugmyndir sínar verða að veruleika.
Við stöndum fyrir því að hér sé umræða um sviðlistir á breiðum grunni.

 

Gildi

Í Tjarnarbíói ríkir fullkomið jafnrétti. Við komum fram af virðingu hvert við annað.
Við byrjum alla hugmyndavinnu á að spyrja, hvernig væri hugmyndin framkvæmd í fullkomnum heimi áður en við takmörkum okkur.
Í Tjarnarbíói á öllum aðstandendum að líða eins og hagsmunir þeirra og Tjarnarbíós séu hinir einu og sömu.

 

Markmið

Að bjóða upp á fjölbreytta dagskrá af því besta og ferskasta í íslenskum sviðlistum.
Að rekstur Tjarnarbíós verði sjálfbær til framtíðar innan 10 ára.
Að samstarfssamningur við Reykjavíkurborg sé tryggður til langframa.
Að listamönnum fari að þykja sjálfsagt að deila hugmyndum og skilji að styrkur okkar felst í einingu okkar og flæði hugmynda.
Að efla alþjóðlegt tengslanet.
Að almenningur öðlist aukinn skilning á vinnu listamanna og mikilvægi hennar fyrir þjóðfélagið.
Að minnst 20% aukning verði í aðsókn í Tjarnarbíó milli ára næstu 3 árin.
Að sjálfstæðum sviðslistum vaxi ásmegin sem atvinnu- og útflutningsgrein.

 

Vinnureglur

Ef við erum í vafa um það hvort eigi að bregðast við eða ekki, bregðumst við við.
Við ástundum gagnsæ vinnubrögð, vinnum fyrir opnum tjöldum og miðlum upplýsingum þannig að öllum sem starfa í húsinu séu stefna okkar og reglur ljósar.
Við leitum stöðugt leiða til að bæta okkur og gera betur. Mistök eru tækifæri, svo lengi sem við lærum af þeim.